بارودی مواد موٹر سائیکل پر نصب کیا گیا تھا
دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے شہر تربت میں سکیورٹی فورسز کی گاڑی پر بم حملہ کیا گیا ہے جس سے فورسز کو جانی نقصانات اٹھانا پڑا ہے۔
ذرائع کے مطابق نامعلوم افراد نے دھماکہ خیز مواد موٹر سائیکل پر نصب کیا تھا جبکہ دھماکے کے نتیجے میں چار افراد زخمی ہوئے ہیں تاہم سیکورٹی فورسز کے اہلکاروں کے نقصانات کے حوالے سے تفصیلات آنا باقی ہے۔
یاد رہے تربت شہر میں سیکورٹی کے انتظامات انتہائی سخت ہیں جبکہ اس سے قبل بھی تربت شہر میں فورسز سمیت دیگر سرکاری عمارتوں پر حملے ہوتے رہے ہیں جن میں سے اکثریت کی ذمہ داری بلوچ مسلح آزادی پسند تنظیمیں قبول کرتی رہی ہے لیکن تاحال اس حملے کی ذمہ داری کسی تنظیم نے قبول نہیں کی ہے۔
