شام کی مرکزی کُرد سیاسی جماعت نے کہا ہے کہ اس کے ایک اہم رہنما کو پراگ میں گرفتار کر لیا گیا ہے۔ پی وائی ڈی پارٹی کے مطابق صالح مسلم کو ترکی کے کہنے پر گرفتار کیا گیا ہے جہاں ان کے خلاف بغاوت کا مقدمہ چل رہا ہے۔
شامی کُرد سیاسی جماعت PYD کے مطابق اس کے رہنما صالح مسلم شامی شہری ہونے کے ناطے شہریت کے مکمل حقوق رکھتے ہیں اور وہ سرکاری حیثیت سے یورپ کے دورے پر تھے۔ اس جماعت کی طرف سے جاری ہونے والے ایک بیان کے مطابق ترک حکومت ’’ایسے افراد کی گرفتاری کے مطالبے کر رہی ہے جو اس کے شہری نہیں ہیں۔۔۔ اور اس کا کوئی قانونی جواز نہیں ہے۔‘‘
