تربت سے کوئٹہ جاتے ہوئے تربت یونیورسٹی کے وائس چانسلر ڈاکٹر گل حسن بلوچ کی گاڑی اتوار کی شام مسلح افراد نے گن پوائنٹ پر چھین لی۔
ذرائع کے مطابق واقعہ تربت کے قریب پیش آیا جہاں نامعلوم حملہ آوروں نے وائس چانسلر کو روک کر ان کی گاڑی پر قبضہ کر لیا اور فرار ہو گئے۔
واقعہ کے بعد ڈاکٹر گل حسن بلوچ تقریباً ایک گھنٹے تک سڑک پر کھڑے رہے، جس کے بعد انہوں نے ایک مسافر بس میں سوار ہو کر کوئٹہ کے لیے روانگی اختیار کی۔
اس سے قبل کمشنر مکران کی گاڑی بھی کوئٹہ سے تربت آتے ہوئے سوراب کے مقام پر چھین لی گئی تھی، جس میں کمشنر کے ڈرائیور اور گارڈ کو اغوا کر کے لاپتہ کر دیا گیا ہے۔
علاوہ ازیں ہفتے کی شب تربت میں ڈی ایس پی کی گاڑی کو بھی مسلح افراد نے روک کر اہلکاروں کو یرغمال بنا لیا، اور اس دوران پولیس اہلکاروں کے سرکاری اسلحہ بھی چھین لیے گئے۔
