بلوچستان کے ضلع کیچ اور خاران میں پاکستانی فورسز کو مسلح حملوں میں نشانہ بنایا گیا ہے جبکہ قلات میں شدید فائرنگ و دھماکوں سے علاقہ گونج اٹھا
گذشتہ شب خاران کے علاقے لجے میں پاکستانی فورسز کو مسلح افراد نے حملے میں نشانہ بنایا۔ یہ حملہ لجے کے علاقے شوآپ میں اس وقت کیا گیا جب فورسز نئے آؤٹ پوسٹس بنانے میں مصروف تھے۔
علاقہ مکینوں کے مطابق رات گئے شدید فائرنگ اور دھماکوں کی آواز سنی گئی جبکہ صبح سویرے فورسز کی آمد و رفت میں اضافہ دیکھا گیا۔
قلات کے علاقے منگچر میں گذشتہ شب فورسز کیمپ کی جانب متعدد دھماکوں کیساتھ شدید فائرنگ کی آواز سنی گئی۔ علاقہ مکینوں کے مطابق رات نو بجے شروع ہونے والے دھماکوں و فائرنگ کا سلسلہ تین گھنٹوں سے زائد وقفے وقفے سے جاری رہا۔
قبل ازیں گذشتہ روز صبح سویرے مسلح افراد کی بڑی تعداد نے کیچ کے علاقے ہوشاپ میں پاکستانی فورسز کے مرکزی کیمپ کو حملے میں نشانہ بنایا۔
حکام نے ان واقعات کے حوالے سے تاحال کوئی تفصیلات فراہم نہیں کی گئی ہے۔
