بلوچ لبریشن آرمی کے سابق سربراہ جنرل اسلم بلوچ اور ساتھیوں کے برسی کے موقع پر سیکورٹی صورتحال کے پیش نظر بلوچستان کے مختلف علاقوں میں سیکورٹی سخت کردی گئی۔
کوئٹہ سے پشاور جانے والی جعفر ایکسپریس کو ریلوے حکام نے سیکورٹی وجوہات کی بناء پر منسوخ کر دیا ہے۔
ریلوے ذرائع ہے مطابق کل بلوچستان میں ٹرین سروس ایک دن کےلیے معطل رہے گی۔
حکام کا مزید کہنا ہے کہ پشاور کیلئے جعفر ایکسپریس جمعرات کو نہیں جائے گی، کراچی کےلیے بولان میل اور چمن کیلئے چمن ٹرین بھی کل معطل رہے گی۔
ریلوے حکام کے مطابق پشاور سے کل کوئٹہ آنے والی جعفر ایکسپریس بھی معطل کردی گئی۔
وہاں لسبیلہ ، خضدار ، اور مکران میں فوجی نقل و حرکت میں اضافہ دیکھا گیا ہے ۔
خیال رہے کہ کل بلوچ لبریشن آرمی کے سابق سربراہ جنرل اسلم بلوچ و ساتھیوں کی برسی منائی جائے گی۔
2018 میں بلوچ رہنماء جنرل اسلم بلوچ و انکے پانچ ساتھیوں کمانڈر کریم (سگار)، فدائی بابر مجید عرف فرید، اختر بلوچ عرف رستم، تاج محمد مری عرف سردارو اور امان اللہ عرف صادق کو ایک خود کش حملے میں نشانہ بنایا گیا تھا جس میں وہ جانبحق ہوئے تھے۔
سال 2022 میں بلوچ لبریشن آرمی نے اس دن کے موقع پر بلوچستان بھر میں بڑے پیمانے متعدد حملے کیئے تھے جن پاکستان فوج افسران سمیت متعدد ہلاک ہوئے تھے۔
