کیچ: پاکستانی فورسز کا آبادی پر گولہ باری، پانچ بچیاں زخمی

7

ضلع کیچ کے علاقے ہوشاپ میں پاکستانی فورسز نے مقامی آبادی پر مارٹر گولے فائر کے نتیجے میں پانچ بچیاں زخمی ہوگئیں، جن میں سے ایک کی حالت تشویشناک بتائی جا رہی ہے۔

زخمیوں کو فوری طور پر تُربت ٹیچنگ ہسپتال منتقل کیا گیا، جہاں انہیں طبی امداد فراہم کی جا رہی ہے۔

مقامی ذرائع کے مطابق فورسز کیمپ کے سمت سے گھروں پر اندھا دھند فائرنگ اور مارٹر شیلنگ کی گئی، جس کے باعث خواتین اور بچیاں متاثر ہوئیں۔ ایک بچی کی حالت انتہائی نازک بتائی جا رہی ہے۔

تربت ٹیچنگ ہسپتال کے ایک ذمہ دار اہلکار نے بھی ہوشاپ سے پانچ زخمی بچوں کی آمد کی تصدیق کی ہے اور بتایا کہ زخمیوں کو ضروری طبی امداد فراہم کی جا رہی ہے۔

دوسری جانب ہوشاپ میں مسلح افراد کی جانب سے سڑکوں پر ناکہ بندی، اسنیپ چیکنگ اور سیکیورٹی فورسز اور مسلح افراد کے درمیان فائرنگ کی اطلاعات بھی موصول ہوئی ہیں، تاہم اس سلسلے میں سرکاری ذرائع یا پولیس کی جانب سے اب تک کوئی باضابطہ تصدیق سامنے نہیں آئی۔

علاقے میں صورتِ حال بدستور کشیدہ ہے۔