بلوچستان کے ضلع کیچ کے علاقے گوگدان میں پاکستانی فورسز کی بھاری نفری نے ایک گھر پر چھاپہ مار کر تین نوجوانوں کو حراست میں لے لیا، جنہیں بعد ازاں نامعلوم مقام پر منتقل کر دیا گیا۔
ذرائع کے مطابق، چھاپہ محمد عمر دشتی کے گھر پر مارا گیا، جہاں ان کے نواسہ یحیٰی ولد وحید احمد اور ایک مہمان شیرجان ولد محمد انور کو فورسز نے حراست میں لیا۔ علاوہ ازیں، روڈ پر ناکہ بندی کے دوران قریبی گھر سے واپس آ رہے بلال عزیز ولد حاجی عبدالعزیز کو بھی حراست میں لے لیا گیا۔
مقامی ذرائع نے بتایا کہ گرفتار نوجوانوں کے اہل خانہ کو ابھی تک ان کی موجودہ جگہ کے بارے میں کوئی معلومات نہیں دی گئیں۔
