بلوچ اسٹوڈنٹس ایکشن کمیٹی نے میڈیا کو جاری کردہ بیان میں کہا ہے کہ تنظیم کا چوتھا مرکزی کونسل سیشن کامیابی کے ساتھ اختتام پذیر ہوا، جس میں اُزیر بلوچ کو چیئرمین اور پیرجان بلوچ کو سیکریٹری جنرل منتخب کیا گیا۔
بلوچ اسٹوڈنٹس ایکشن کمیٹی کا چوتھا مرکزی کونسل سیشن “بیادِ عطاشاد و آزات جمالدینی، بنامِ بلوچ خواتین” تنظیم کے سابق چیئرمین شبیر بلوچ کی زیرِ صدارت کیچ میں منعقد ہوا۔ اجلاس میں مختلف ایجنڈے زیرِ غور آئے، جن میں آئندہ لائحہ عمل اور تنظیمی انتخابات شامل تھے۔ انتخابات کے دوران اُزیر بلوچ مرکزی چیئرمین اور پیرجان بلوچ بطور سیکریٹری جنرل منتخب ہوئے۔
نو منتخب قیادت کی حلف برداری کی تقریب کل سرکٹ ہاؤس ہال، کیچ میں منعقد کی جائے گی۔
مرکزی ترجمان کے مطابق اجلاس کی تفصیلی رپورٹ جلد میڈیا کو جاری کی جائے گی۔
