عمران بلوچ چھ ماہ قید کاٹنے کے بعد گڈانی سینٹرل جیل سے رہا ہوگئے
چیئرمین عمران بلوچ کو گزشتہ چھ ماہ کے تھری ایم پی او کے تحت حراست میں لیا گیا تھا۔ یہ قانون ماضی میں بھی متعدد بار سیاسی کارکنوں اور اختلاف رائے رکھنے والے افراد کے خلاف استعمال ہوتا رہا ہے، جس پر انسانی حقوق کی تنظیمیں مسلسل تنقید کرتی آئی ہیں۔
ذرائع کے مطابق عمران بلوچ پر کوئی فوجداری مقدمہ درج نہیں تھا بلکہ انہیں جبری گمشدگیوں اور انسانی حقوق کی خلاف ورزیوں کے خلاف آواز بلند کرنے کے باعث گرفتار کیا گیا۔
ماہرین کا کہنا ہے کہ بار بار 3MPO جیسے قوانین کا استعمال سیاسی سرگرمیوں کو محدود کرنے کے مترادف ہے۔
