نامعلوم افراد نے پنجاب سے گزرنے والی گیس پائپ لائن کو دھماکے سے تباہ کردیا۔
تفصیلات کے مطابق سندھ کی سرحد پر واقع پاکستانی صوبے پنجاب کے شہر صادق آباد کے قریب دہاڑی چونک کے مقام پر نامعلوم افراد نے 36 انچ گیس پائپ لائن میں دھماکہ خیز مواد نصب کر کے اسے تباہ کردیا ہے۔
دھماکے کے باعث بعض علاقوں میں گیس کی فراہمی معطل ہوگئی ہے، واقعے کے فوراً بعد پاکستانی فورسز اور پولیس کے اہلکار جائے وقوعہ پر پہنچ گئے۔
واضح رہے کہ اس سے قبل بھی ان علاقوں میں گیس پائپ لائنوں کو حملوں کا نشانہ بنایا جاتا رہا ہے، جن کی ذمہ داری مختلف تنظیمیں قبول کرتی رہی ہیں۔
تاہم آج ہونے والے حملے کی ذمہ داری تاحال کسی گروپ نے قبول نہیں کی۔
