کوئٹہ کے خالق شہید پولیس اسٹیشن میں قتل کے مقدمے میں زیر حراست ملزم نعیم اللہ لوگری نے مبینہ طور پر حوالات کے واش روم میں خودکشی کرلی۔
نعیم اللہ کے خلاف سیکشن 302 پی پی سی کے تحت مقدمہ درج تھا اور وہ ایف آئی آر نمبر 250/24 میں اشتہاری ملزم کے طور پر زیر حراست تھا۔ واقعے کے بعد متعلقہ حکام کو فوری مطلع کیا گیا، اور پولیس نے تحقیقات کا آغاز کرتے ہوئے تمام متعلقہ افسران کے بیانات قلمبند کر لیے ہیں۔
مزید قانونی کارروائی کے لیے پوسٹ مارٹم کا عمل مکمل کیا جائے گا تاکہ موت کی اصل وجوہات معلوم کی جا سکیں۔
