جعفر ایکسپریس قبضہ ، ہلاک اہلکاروں کے ورثا کو 52 لاکھ فی کس، بچوں کیلئے ریلوے میں نوکری کا اعلان۔ حنیف عباسی
پاکستان کے وزیر ریلوے حنیف عباسی نے جعفر ایکسپریس واقعے میں ہلاک اہلکاروں کے لواحقین کے لیے 52 لاکھ روپے فی کس مالی امداد اور ان کے بچوں کو پاکستان ریلوے میں ملازمتیں دینے کا اعلان کیا ہے۔
خیال رہے کہ گذشتہ دنوں بلوچ لبریشن آرمی کی جانب جعفر ایکسپریس پر حملہ کرکے اس کو ہائی جیک کرلیا گیا تھا۔
ہائی جیک کے دوران بی ایل اے نے تمام سویلین کو چھوڑ دیا اور ریل میں سوار 214 پاکستانی فورسز کے اہلکاروں کو یرغمال بنالیا تھا۔
بی ایل اے نے یرغمالیوں کی رہائی کو قیدیوں کے تبادلے سے منسوب کیا تھا اور بی ایل اے نے پاکستانی فورسز کو 48 گھنٹے کی الٹی میٹم دیا تھا جبکہ اس دوران پاکستانی فورسز نے آپریشن کا آغاز کردیا اور بی ایل اے نے تمام یرغمالیوں کو ہلاک کردیا۔
اس حملے کے بعد، کوئٹہ سے پاکستان کے دیگر حصوں کے لیے ٹرین سروس غیر معینہ مدت کے لیے معطل کر دی گئی ہے، اور ریلوے حکام کے مطابق، ٹریک کی مرمت سکیورٹی کلیئرنس کے بعد شروع کی جائے گی۔
