بلوچستان لبریشن فرنٹ کے ترجمان میجر گہرام بلوچ نے میڈیا کو جاری ایک بیان میں کہا ہے کہ سرمچاروں نے آواران اور کیچ میں قابض پاکستانی فورسز، پولیس تھانہ اور لیویز چوکیوں کو آٹھ مختلف کاروائیوں میں نشانہ بناکر اہلکاروں کا اسلحہ قبضے میں لیا، جبکہ ریسٹ ہاؤس اور موبائل ٹاور کو نزر آتش کردیا۔
انہوں نے کہاکہ سرمچاروں نے گزشتہ شام پانچ بجے آواران کے علاقے مالار مچی میں قائم قابض پاکستانی فورسز کے کیمپ کو بھاری ہتھیاروں سے حملے میں نشانہ بنایا جس کے نتیجے میں ایک اہلکار ہلاک اور دو زخمی ہوا۔
ترجمان نے کہاکہ ایک اور حملے میں سرمچاروں نے 16 فروری کی رات دس بجے مشکے کے علاقے گجر میں قائم قابض پاکستانی فورسز کے کیمپ کو راکٹ لانچر اور دیگر جدید ہتھیاروں سے حملہ کیا، حملے میں متعدد اہلکار ہلاک اور زخمی ہوئے۔
مزید کہاکہ حملے کے بعد قابض فوج نے آبادی پر فائرنگ کی اور انہیں شدید تشدد کا نشانہ بنایا جو قابض افواج کی شکست کا منہ بولتا ثبوت ہے۔
میجر گہرام بلوچ نے کہاکہ سرمچاروں نے 15 فروری کو مشکے کے علاقے گجر میں لیویز چوکی پر حملہ کیا، حملے میں سرمچاروں نے لیویز اہلکاروں کو حراست میں لے کر ان سے سرکاری اسلحہ اور دیگر سامان قبضے میں لے لیا۔ جبکہ اہلکاروں کو تنبیہ کے بعد چھوڑ دیا۔
انہوں نے کہاکہ اسی روز ایک اور مقام پر مشکے پولیس تھانے پر سرمچاروں نے حملہ کیا، حملے میں سرمچاروں نے فائرنگ کرکے تھانے کو نقصان پہنچایا۔ جبکہ پولیس اہلکاروں کو کوئی نقصان نہیں پہنچایا۔
اپنے بیان میں کہاکہ مشکے کے علاقے کلر میں بھی سرمچاروں نے لیویز چوکی پر حملہ کرکے وہاں موجود ایک اہلکار کا اسلحہ اپنے تحویل میں لیا تاہم لیویز اہلکار کو بغیر کسی نقصان کے چھوڑ دیا۔
انہوں نے کہاکہ جبکہ سرمچاروں نے مشکے کے علاقے کلر میں ایک سرکاری ریسٹ ہاؤس اور ایک یوفون موبائل ٹاور کو فائرنگ و نزر آتش کرکے تباہ کردیا۔
ترجمان نے کہاکہ ایک اور حملے میں سرمچاروں 16 فروری کی رات کیچ کے علاقے گورکوپ میں قائم فورسز کے کیمپ کو متعدد گرنیڈ لانچر کے گولے داغے جو کیمپ کے اندر جا کرے جس کے نتیجے میں فورسز کو جانی و مالی نقصان کا سامنا کرنا پڑا۔
حملے کے بعد قابض فورسز نے آبادی پر متعدد مارٹر گولے داغے تاہم بلوچ سرمچار حملے کے بعد محفوظ مقام پر پہنچ گئے۔
آخر میں کہاکہ بی ایل ایف ان تمام حملوں کی زمہ داری قبول کرتی ہے اور بلوچستان کی آزادی اور قابض فورسز کی مکمل انخلاء تک اپنے حملے جاری رکھنے کا عزم کرتی ہے۔
