بلوچستان کے مختلف اضلاع میں پیش آنے والے حادثات میں مجموعی طور پر 3 افراد جانبحق، 11 افراد زخمی ہوگئے ہیں۔
تفصیلات کے مطابق وندر کے قریب کوئٹہ ، کراچی شاہراہ پر گاڑی اور موٹرسائیکل کے مابین تصادم کے نتیجے میں موٹر سائیکل سوار تین افراد عبدالصمد ولد گل محمد، نصیب اللہ ولد شبیر احمد، شبیر احمد ولد چاکر احمد شدید زخمی ہوگئے۔
زخمیوں کو ریسکیو کرکے بنیادی طبی امداد فراہم کرنے کے بعد ریسکیو سینٹر کی ایمبولینس کے ذریعے ٹراما سینٹر کراچی منتقل کردیا ہے۔
ادھر خضدارقومی شاہراہ پرکراچی سے کوئٹہ جانے والی المحمود کوچ باغبانہ کورک موڑپر تیزرفتاری کے باعث بے قابو ہوکرالٹ گئی، حادثے کے نتیجے میں ڈرائیور موقع پر جان کی بازی ہار گیا جبکہ 8 مسافر شدید زخمی ہوگئے ہیں۔
دوسری جانب خضدار کے تحصیل زہری کے گاؤں آڑ چینی میں خاتون برتن دھوتے ہوئے میں تالاب میں گر کر جان کی بازی ہار گئ۔
دریں اثناء گوادر میں سمندر میں ڈوبنے والے ماہی گیر کی لاش برآمد کرلی گئی ہے ، ماہی گیر گزشتہ روز سمندر میں گر کر لاپتہ ہوگیا تھا ضروری کارروائی کے بعد لاش لواحقین کے حوالے کردی گئی ہے۔
