بلوچ لبریشن آرمی کے ترجمان جیئند بلوچ نے میڈیا کو جاری بیان میں کہا ہے کہ ہمارے سرمچاروں نے گذشتہ شب دکی میں قابض پاکستانی فوج کی تشکیل کردہ نام نہاد ڈیتھ اسکواڈ کے کارندوں کو دو مختلف حملوں میں نشانہ بنایا جن کے نتیجے میں چھ کارندے زخمی ہوگئے۔
ترجمان نے کہاکہ سرمچاروں نے پہلا حملہ اس وقت کیا جب یہ فوج کے کارندے موٹر سائیکل پر گشت کررہے تھے، اس حملے میں ڈیتھ اسکواڈ کے تین کارندے زخمی ہوگئے۔
انہوں نے کہاکہ دریں اثناء سرمچاروں کے دوسرے دستے نے اسی علاقے میں ڈیتھ اسکواڈ کے کارندوں کے ٹھکانے پر گرنیڈ لانچر سے گولے داغے جس کے نتیجے میں تین مزید کارندے زخمی ہوگئے۔
جیئند بلوچ نے کہا کہ بلوچ لبریشن آرمی ان حملوں کی ذمہ داری قبول کرتی ہے۔ ہم واضح کرتے ہیں کہ بلوچ وسائل کی لوٹ مار میں ملوث افراد اور ان کی معاونت کرنے والوں کیخلاف ہماری کارروائیاں جاری رہینگی۔
