بلوچستان کے ساحلی شہر گوادر میں حالیہ بارشوں کے بعد ہزاروں کی تعداد میں لوگ بے گھر ہوکر مختلف مقامات پر پناہ لیے ہوئے ہیں جبکہ متعدد سرکاری اور غیر سرکاری ادارے متاثرین کی بحالی کے لیے سرگرم ہیں۔
تاہم گذشتہ روز گوادر کے علاقے گراب میں سیلاب متاثرین میں پاکستان فوج کی طرف سے خوراک کے پیکٹ تقسیم کئے گئے جو زائد المیاد نکلیں۔ مقامی لوگوں نے بتایا کہ پاکستان فوج کی طرف سے انہیں خوراک کے جو پیکٹ دیئے گئے وہ سب زائد المیعاد ہیں۔
لوگوں نے شکایت کی ہے کہ علاقے میں دیگر غیر سرکاری اداروں کے لئے مشکلات پیدا کرکے فوج انہیں امداد کے نام پر غیر معیاری اور زائد المیاد سامان دے رہی ہے۔
سماجی رابطے کی ویب سائٹ پر مقامی لوگوں نے ایک وڈیو شئیر کی ہے جس میں دیکھا جاسکتا ہے کہ تقسیم کئے گئے خوراک کے تاریخ زائد المیعاد ہیں۔ مقامی لوگوں نے کہاکہ انہیں ایسے امداد کی کوئی ضرورت نہیں جو کھانے کے قابل نہیں ۔
مقامی لوگوں کے مطابق بیشتر خوارک جانوروں کے کھانے کے ہیں جو انہیں دیے گئے ہیں ۔
پاکستان آرمی گْوادر سیلاب متاثرین کیلئے غیر میعاد کے خرد نوش اشیاءَ تقسیم کر رہا ہے ۔ pic.twitter.com/syBbDg97PV
— MuHeeM Baloch (@MuhimAbdulRahim) March 11, 2024
