سماجی رابطے کی ویب سائیٹ ایکس پر لاپتہ ڈاکٹر دین محمد کی صاحبزادی سمی دین نے اپنے ایک بیان میں کہا ہے کہ کل رات ایک ساتھی کی طبعیت خراب ہونے پر جیسے ہی میں اسے رہائش گاہ پرلے گئی تو واپسی پر پولیس نے تمام راستے بند کردیے تھے اور مظاہرین کو گرفتار کیا گیا تھا۔
انہوں نے کہا کہ ریاستی فورسز نے جس طرح سے بربریت کا مظاہرہ کیا اور ہمیں احساس دلایا گیا کہ ہمارے لیے اس ریاست کے آئین اور قانون کا کوئی تعلق نہیں ہے۔ اس وقت ہائی کورٹ میں تمام ساتھیوں اور مظاہرین کی رہائی کیلئے پٹیشن فائل کرنے کے لئے موجود ہوں۔
انہوں نے کہا کہ شہراقتدار میں انصاف کی امیدلئے ہم نے اپنے پیاروں کی بازیابی کی جنگ لڑنے کیلئے اسلام آباد کا رخ کیا لیکن یہاں اب گمشدہ افرادکے لواحقین اور تمام مظاہرین کی رہائی کیلئے عدالتوں کے چکر کاٹ رہے ہیں۔
