بلوچستان کے ضلع ڈیرہ بگٹی اور کیچ سے پاکستانی فورسز کیجانب سے آپریشن کی گئی جبکہ اس دوران ایک شخص کو فورسز نے جبری طور پر لاپتہ کردیا۔
تفصیلات کے مطابق ضلع ڈیرہ بگٹی کی تحصیل سوئی کے بگٹی کالونی سے پاکستانی فوج نے قربان ولد بادل بگٹی کو تشدد کا نشانہ بنانے کے بعد اپنے ہمراہ لے جاکر لاپتہ کردیا۔
دوسری جانب ضلع کیچ کے علاقے زامران سے اطلاعات ہیں کہ پاکستانی فورسز نے زامران کے علاقے کوٹگان میں آپریشن آغاز کردیا ہے۔
علاقائی ذرائع کے مطابق فورسز نے بڑی تعداد میں علاقے کو گھیرے میں لے کر گھر تلاشی کے دوران لوگوں کو تشدد کا نشانہ بنایا ہے۔
تاہم دوران گرفتاری یا دیگر نقصانات کی تفصیلات سامنے نہیں آسکے۔
