نیشنل ڈیموکریٹک موومنٹ کے بیان میں پارٹی کے صوبائی ارگنائزنگ کمیٹی کے رکن عزیز خان اچکزئی کی اگرفتاری کی شدید مذمت کرتے ہوئے ان کی فی الفور رہائی اور اس اقدام میں ملوث ریاستی اداروں کے ذمہ دار افراد کیخلاف قانونی کاروائی اور اعلیٰ سطحی تحقیقات کا مطالبہ کیا گیا ہے۔
بیان میں کہا گیا ہے کہ ریاستی اداروں نے جمہوری و ترقی پسند سیاست اور سیاسی رہنماں و کارکنوں کے خلاف جاری سازشوں اور اختیارات کے ناجائز استعمال کی پالیسی کے تحت پارٹی کے صوبائی رہنما عزیز خان اچکزئی پر جھوٹے و من گھڑت مقدمات درج کرکے انہیں گرفتار کیا ہے۔ جس کا مقصد انہیں جمہوری و ترقی پسند اور نیشنلزم کی سیاست کے بنیادی آئینی و جمہوری حق سے دستبردار کرکے صوبے بالخصوص ضلع قلعہ عبداللہ اور چمن میں جمہوری سیاسی عمل کا راستہ روک کر غیر سیاسی و قبائلی فرسودہ ماحول کو مسلط رکھنا ہے تاکہ ریاست اور اس کے اداروں کی پشتون دشمن اور استعماری و آمرانہ عزائم کی مزید تکمیل ہوسکے ۔
بیان میں کہا گیا ہے کہ عزیز خان اچکزئی نیشنل ڈیموکریٹک موومنٹ کے ذمہ دار رہنما ادارے صوبائی ارگنائزنگ کمیٹی کا رکن ہے اور اس نے ایک ذمہ دار سیاسی پارٹی کی پلیٹ فارم سے جمہوری و ترقی پسند سیاسی راہ اپنائی ہے لہذا ریاستی اداروں کا مذکورہ اقدام انہیں اس سیاسی راہ پر چلنے سے دستبردار کرنے کی ناکام کوشش ھے۔اور سیاسی رہنماں و کارکنوں کے خلاف ریاستی اداروں کی ان غیر آئینی و غیر قانونی پالیسیوں اور اقدامات سے ہر باشعور شہری اور سیاسی کارکن بخوبی آگاہ ھے اور ان سازشوں و اقدامات کو سیاسی بصیرت و استقامت اور حوصلے و جدوجہد سے ناکام بنائیں گے ۔
