بلوچ لانگ مارچ مظاہرین کے گرفتاریوں کے حوالے سے عدالت میں سماعت میں موجود وکلاء کا کہنا ہے کہ آئی جی اسلام آباد نے کل عدالت میں کھلم کھلا جھوٹ بولا۔ اس نے یہ کہہ کر عدالت کو گمراہ کیا کہ ہماری تحویل میں ایک بھی خاتون نہیں ہے۔ اب اس نے عدالت میں پیش ہونے کی زحمت بھی گوارا نہیں کیا۔
وکلاء کا کہنا تھا کہ ہمیں امید ہے کہ چیف جسٹس انہیں انصاف میں رکاوٹ ڈالنے اور عدالت کو گمراہ کرنے پر توہین عدالت کا نوٹس جاری کریں گے۔
دریں اثناء بلوچ مظاہرین کی گرفتاری کے خلاف درخواست پر سماعت کے دوران اسلام آباد ہائی کورٹ نے آدھے گھنٹے میں آئی جی اسلام آباد کو طلب کر لیا۔
