بلوچ زبان کے نامور فنکار عارف بلوچ اور شاہجان داؤدی نے ہفتے کے روز بلوچستان کے ساحلی شہر پسنی میں بلوچی زبان کے شاعر مبارک قاضی کے گھر پر فاتحہ خوانی کے بعد ایک پیغام جاری کرتے ہوئے کہاکہ جس رات مبارک قاضی وفات پا چکے تھے ، ایک شادی کے سلسلہ میں میوزیکل پروگرام میں شرکت کے بعد سوشل میڈیا میں لوگوں نے ناراضگی کا اظہار کیا تھا۔
انہوں نے کہاکہ قاضی کی وفات قوم سمیت ہمارے لئے ایک عظیم نقصان ہے اور ہم اپنے غلطی پر قوم سے معافی مانگتے ہیں۔
دریں اثنا بلوچی زبان کے شاعر مبارک قاضی کی وفات کے ایک ہفتے بعد بھی لوگوں کی بڑی تعداد انکی گھر اور قبر پر خاصری دینے جارہے ہیں ، جبکہ بلوچستان سمیت دنیا کے بعض ممالک میں کمیونٹیز کی طرف سے انہیں مختلف طریقوں سے خراج عیقیدت پیش کی جاری ہے ۔
