ضلع کیچ کے تحصیل مند کے رہائشی لاپتہ سمیر احمد ولد صابر احمد کی بیٹی ہانی سمیر نے میڈیا میں جاری بیان میں حکام بالا اور اداروں سے اپیل کی ہے کہ والد گزشتہ دس سالوں سے ریاستی اداروں کی تحویل میں ہے انہیں بازیاب کرکے ہمیں اس اذیت ناک زندگی سے نجات دلائی جائے۔
انہوں نے کہا کہ میرے والد سمیر احمد کو 5 مئی 2013 کو مند سے لاپتہ کیا گیا تھا جو تاحال بازیاب نہ ہوسکے ۔ اس دوران ہمیں صرف جھوٹی تسلیاں ملتی رہی لیکن عملی طور پر کچھ نہیں کیا گیا ہے ہم پاکستانی اداروں سے اپیل کرتے ہیں کہ والد کو منظر عام پر لا کر بازیاب کیا جائے ۔
انہوں نے کہا کہ کل رات 8 بجے سے لے کر 12 بجے تک ایک آن لائن مہم چلا رہے ہیں۔ اس میں حصہ لیں اور سمیر بلوچ کی باحفاظت بازیابی میں اپنا کردار ادا کریں۔
