بلوچستان کے ضلع پنجگور سے اطلاعات ہیں کہ پاکستان فورسز نے گذشتہ شب چھاپہ مارکر دو افراد کو جبری گمشدگی کا شکار بناکر نامعلوم مقام منتقل کردیا ہے۔
تفصیلات کے مطابق گذشتہ شب رات گئے پاکستانی فورسز نے پنجگور کے علاقے بونستان میں چھاپہ مارکر بصارت سے محروم شخص سمیت دو افراد کو جبری گمشدگی کی شکار بناکر نامعلوم مقام منتقل کردیا ہے۔
لاپتہ ہونے والوں میں وسیم ولد عبدین اور ذاکر ولد رحمت شامل ہیں، ذاکر کے بارے میں بتایا جارہا ہے کہ وہ بصارت سے محروم ہے۔
ذرائع کا کہنا ہے کہ پاکستانی فورسز نے گھر پر چھاپے کے دوران خواتین اور بچوں کو تشدد کا نشانہ بھی بنایا ہے۔
