پاکستانی صوبے خیبرپختونخوا کے علاقے درہ آدم خیل میں دو قبائل کے درمیان فائرنگ کے تبادلے میں 16 افراد ہلاک اور دو زخمی ہوگئے۔
پولیس ذرائع کے مطابق درہ آدم خیل کے اقوام اخوروال اور سنی خیل، زرغن خیل کے مابین کوئلہ کی کان کے تنازعہ پر جھگڑا ہوا ہے۔
دونوں قبیلوں کی جانب سے بھاری ہتھیاروں کے استعمال سے سولہ افراد ہلاک جبکہ 2 زخمی ہوگئے۔
حکام کے مطابق قبائل کے درمیان تصادم کوئلے کی کان کی حد بندی کے تنازع پر ہوا ہے جبکہ مرنے والوں میں دونوں قبائل کے لوگ شامل ہیں۔
حکام کے مطابق صورتحال پر قابو پانے کےلیے پولیس اور سیکیورٹی فورسز علاقے میں پہنچ گئی ہیں۔
