بلوچستان کے صنعتی شہر حب کے علاقے پلال گوٹھ میں نامعلوم مسلح افراد نے فائرنگ کرکے نوجوان کو قتل کردیا۔
ریسکیو ذرائع کے مطابق صنعتی شہر حب کے علاقے پلال گوٹھ کے قریب 17 سالہ راحب علی ولد عبدالحمید سکنہ ڈیرہ مراد جمالی کو نامعلوم افراد نے فائرنگ کرکے قتل کردیا ہے۔
واقعہ کے بعد مسلح حملہ آور جائے وقوع سے فرار ہونے میں کامیاب ہوگئے۔
حب پولیس نے موقع پر پہنچ کر لاش کو جام میر غلام قادر ہسپتال منتقل کردیا۔ جبکہ واقعے تفتیش مقامی انتظامیہ نے شروع کردی۔
