بلوچ نیشنل آرمی کے بانی گلزار امام گرفتار کرلیا گیا – آئی ایس پی آر

3663

پاکستانی فورسز نے بلوچ نیشنل آرمی کے بانی اور انتہائی مطلوب بلوچ آزادی پسند گلزار امام کو گرفتار کرنے کیتصدیق کردی ہے۔

پاکستانی فوج کے شعبہ تعلقات عامہ (آئی ایس پی آر) کے مطابق سکیورٹی فورسز  نے انٹیلی جنس آپریشن میں ہائی ویلیو ٹارگٹگلزار امام عرف شمبے کو گرفتار کیا، گلزار امام عسکریت پسند کالعدم تنظیم بلوچ نیشنل آرمی کا بانی اور رہنماء ہے۔

آئی ایس پی آر کے مطابق بی این اے، بلوچ ریپبلکن آرمی اور یونائیٹڈ بلوچ آرمی کے انضمام سے وجود میں آئی تھی، بلوچ نیشنل آرمیپنجگور اور نوشکی میں قانون نافذ کرنے والے اداروں پر حملوں میں ملوث ہے۔

آئی ایس پی آر کا بتانا ہے کہ بلوچ نیشنل آرمی پاکستان میں درجنوں دہشتگرد حملوں کی ذمہ دار ہے، گلزار امام 2018  تک بلوچریپبلکن آرمی میں براہمداغ بگٹی کا نائب بھی رہا۔

آئی ایس پی آر کے مطابق گلزارامام بلوچ راجی آجوئی سنگر (براس) کی تشکیل میں بھی اہم کردار ادا کرتا رہا، وہ بلوچ راجی آجوئیسانگرکا آپریشنل سربراہ بھی رہا، گلزار امام کے افغانستان اور بھارت کے دورے بھی ریکارڈ پر ہیں۔

آئی ایس پی آر کا کہنا ہےکہ گلزارامام کو مکمل منصوبہ بندی کے ساتھ ایک کامیاب آپریشن کے بعد گرفتار کیا گیا، اس کی گرفتاریبی این اے اور دیگر عسکریت پسند گروپوں کے لیے بڑا دھچکا ہے، اس کے دشمن انٹیلی جنس ایجنسیوں کے ساتھ روابط کی چھانبین کی جارہی ہے۔