بلوچستان کے ساحلی شہر گوادر میں تربت روڈ پر پاکستانی فوج کے قافلے پر ہونے والے دھماکے کے نتیجے میں حکام نے ابتک ایک اہلکار کی ہلاکت اور نو اہلکاروں کے زخمی ہونے کی تصدیق کی ہے۔
ہلاک اہلکار کی شناخت لائنس نائیک اللہ دتہ کے نام سے ہوئی ہے جبکہ زخمیوں میں صوبیدار خالد، حوالدار لطیف، ، سپاہی عثمان، سپاہی رمضان سپاہی قیصر عباس، سپاہی اسامہ، عباس اور سپاہی عثمان شامل ہیں۔
گوادر پولیس کے مطابق نواحی علاقے میں ہونے والے دھماکے میں فورسز کی گاڑی تباہ ہوگئی اور اس میں سوار تمام اہلکار شدید متاثر ہوئے ہیں۔
تاہم حملے کی ذمہ داری تاحال کسی نے قبول نہیں کی ہے۔
