بلوچستان کے ضلع نوشکی میں نامعلوم مسلح افراد نے فائرنگ کرکے ایک شخص کو ہلاک اور ایک کو زخمی کردیا۔
فائرنگ کا واقعہ آج الصبح نوشکی بازار میں جناح روڈ پر پیش آیا، جہاں فائرنگ سے عبدالباقی جمالدینی ہلاک اور محمد گل جمالدینی زخمی ہوا ہے۔
لاش اور زخمی کو اسپتال منتقل کردیا گیا، فائرنگ کی وجہ قبائلی تنازعہ بتایا جاتا ہے۔
خیال رہے کہ گذشتہ روز بلوچستان کے علاقے بولان میں زمینی تنازع پر 2 قبائل کے درمیان تصادم، فائرنگ سے 6 افراد ہلاک ہوگئے۔
حکام کے مطابق ہلاک ہونیوالوں میں ایک شخص کا تعلق ابڑو قبیلے جبکہ 5 افراد لہڑی قبیلے سے تعلق رکھتے ہیں۔
