پانچ سال قبل پاکستان فورسز کے ہاتھوں جبری گمشدگی کے شکار انور بلوچ کے لواحقین نے احتجاجاً کوئٹہ کراچی شاہراہ کو آمدو رفت کے لیے بند کر دیا۔
اہلخانہ کے مطابق انور بلوچ کو اس کے آبائی علاقے وڈھ سے نامعلوم مسلح افراد نے 22 جولائی 2017 کو لاپتہ کردیا تھا جو ابھی تک بازیاب نہیں ہوسکے۔
لواحقین کا کہنا ہے اس کی بازیابی کے لئے ہم نے ہر دروازے پہ دستک دی تاہم اس کی بازیابی اب تک ممکن نہیں ہوسکی۔
خیال رہے کہ اس سے قبل بھی لاپتہ انور بلوچ کے لواحقین نے مختلف جگہوں پر احتجاج کیے اور پچھلے سال کوئٹہ میں ہونے والے طویل احتجاجی دھرنے میں بھی شرکت کی تھی۔ اس وقت موجودہ وفاقی وزیر داخلہ رانا ثنا اللہ کی سربراہی میں ایک وفد نے تمام لاپتہ افراد کی بازیابی کی یقین دہانی کرائی تھی۔
