بلوچستان کے ضلع کیچ میں پاکستانی فورسز نے ایک شخص کو حراست میں لے کر نامعلوم مقام منتقل کردیا ہے۔ لواحقین نے احتجاجاً سی پیک روڈ بند کردیا۔
لاپتہ ہونے والے شخص کے اہلخانہ نے احتجاجاً سی پیک شاہراہ کو تجابان کے مقام پر دھرنا دے کر بند کردیا ہے۔ شاہراہ کی بند ہونے کی وجہ سے گاڑیوں کی لمبی قطاریں لگ گئی۔
لواحقین کا کہنا کہ پاکستان فورسز نے گذشتہ شب گھروں پر دھاوا بول کر خواتین و بچوں کو شدید تشدد کا نشانہ بناکر ایک شخص کو حراست میں لے کر نامعلوم مقام منتقل کردیا ہے۔
لاپتہ ہونے والے نوجوان کی شناخت حکیم ولد داد بخش کے نام سے ہوئی ہے۔
لواحقین کا مطالبہ ہے مذکورہ نوجوان کو جلد از جلد بازیاب کیا جائے نہیں تو دھرنا اسی طرح جاری رہےگا۔ اس حوالے سے اب تک انتظامیہ کا موقف سامنے نہیں آیا ہے۔
