بلوچستان کے مرکزی شہر کوئٹہ میں میں آج ہفتے کے روز پیش آنے والے ایک روڈ حادثے میں لورالائی کے ڈپٹی کمشنر ہلاک جبکہ ساتھی زخمی ہوگئے۔
واقعہ کوئٹہ کے علاقے اسپینی روڈ کے مقام پر پیش آیا، جہاں ڈپٹی کمشنر لورالائی جمیل بلوچ ہلاک جبکہ اس کے ماموں زخمی ہوئے ہیں۔ زخمی اور ہلاک ہونے والوں کو ریسکیو کے اہلکاروں نے اسپتال منتقل کردیا ہے۔
خیال رہے کہ بلوچستان میں روزانہ کی بنیاد پہ پیش آنے والے روڈ حادثات میں متعدد افراد جان بازی ہار جاتے ہیں یا زندگی بھر کے لئے معذور ہوجاتے ہیں۔
