بلوچستان کے ضلع قلات میں نامعلوم افراد نے پاکستانی فورسز کی گاڑی کو بم حملے میں نشانہ بنایا ہے۔
فورسز کی گاڑی کو قلات کے علاقے جوہان میں نشانہ بنایا گیا۔ ذرائع کے مطابق بم حملے میں فورسز کو جانی نقصان کا سامنا رہا ہے، تاہم حکام کا موقف اس حوالے سے تاحال سامنے نہیں آیا ہے۔
خیال رہے کہ مذکورہ علاقے میں بلوچ آزادی پسند تنظیمیں متحرک ہیں، گذشتہ دنوں قلات کے علاقے شئے مردان میں پاکستانی فوج کے ایک پوسٹ کو راکٹوں و دیگر بھاری ہتھیاروں سے نشانہ بنایا گیا تھا جسکی ذمہ بلوچ لبریشن آرمی نے قبول کی تھی تاہم آج ہونے والے حملے کی ذمہ داری تاحال کسی نے قبول نہیں کی ہے۔
