کیچ: تعمیراتی کمپنی پر حملہ، دو مزدور ہلاک

323

بلوچستان کے ضلع کیچ میں آج صبح پیش آنے والے فائرنگ کے ایک واقعہ میں دو مزدور ہلاک ہوئے ہیں۔

فائرنگ کا واقعہ ضلع کیچ کے علاقے ہوشاپ کے مقام پر پیش آیا ہے، ذرائع کے مطابق مزدور ایک سڑک کی تعمیر کے کام میں مصروفتھے جن پر آج صبح حملہ کیا گیا۔

حملے میں دو افراد کے ہلاک اور دیگر کے زخمی ہونے کے اطلاعات ہیں تاہم حکام کی جانب سے اس کی تصدیق یا تردید تاحال سامنےنہیں آئی ہے۔

خیال رہے کہ تین روز قبل ہرنائی میں تعمیراتی کمپنی کے کیمپ پر فائرنگ کی گئی تھی، جس کے نتیجے میں مزدور ہلاک اور زخمی ہوگئے تھے۔

تاہم ان تعمیراتی کمپنی پر ہونے والے حملوں کی ذمہ داری تاحال کسی نے قبول نہیں کی ہے۔