بلوچستان کے ضلع خضدار میں کراچی ٹو کوئٹہ مصروف ترین شاہراہ پر آج بروز جمعہ صبح پیش آنے والے ایک روڈ حادثے میں چھ افراد جانبحق جبکہ پانچ زخمی ہوئے ہیں۔
روڈ حادثہ ضلع خضدار کے علاقے وڈھ کراڑو کے مقام پر پیش آیا ہے۔
ذرائع کے مطابق حادثہ ٹرک اور آئل ٹینکر کے مابین تصادم کے نتیجے میں پیش آیا ہے۔ جبکہ حادثے میں جانبحق و زخمی افراد کو ریسکیو سینٹر بیلہ سول ہسپتال منتقل کردیا گیا۔
خیال رہے کہ کوئٹہ ٹو کراچی بلوچستان کے مختلف علاقوں کو کراچی و دیگر علاقوں کو ملانے والی مصروف ترین شاہراہ ہے جس میں روزانہ سینکڑوں گاڑیاں سفر کرتے ہیں،اور بلوچستان میں سب زیادہ حادثات بھی اسی شاہراہ پر پیش آتے ہیں۔
روڈ حادثات کی وجوہات کے بارے میں لوگوں کا کہنا ہے کہ مصروف شاہراہ ہونے کے باوجود یہ شاہراہ سنگل روڈ ہے اس لئے یہاں زیادہ حادثات پیش آتے ہیں۔
