بلوچ نیشنل موومنٹ کے ترجمان نے پنجگور میں بی این ایم ممبر کے قتل کی مذمت کرتے ہوئے اسے سیاسی کارکنوں کے قتل عام اور بلوچ نسل کشی کا تسلسل قرار دیا۔ پروم ریش پیش میں پاکستانی فوج نے فائرنگ کرکے صبغت اللہ ولد محمد الیاس کو شہید کیا۔ ہم انہیں اس عظیم قربانی پر خراج عقیدت پیش کرتے ہیں۔
انہوں نے کہا کہ پاکستانی فورسز دو دہائیوں سے بلوچ سیاسی کارکنوں کے خلاف ایک کریک ڈاؤن میں مصروف ہیں جس میں لوگوں کو ماورائے عدالت قتل اور جبری لاپتہ کیا جا رہا ہے۔ اس قتل عام کا مقصد بلوچ قومی غلامی کو طول دینا ہے۔ لیکن تاریخ گواہ ہے کہ قوموں کو ظلم و جبر کے ذریعے زیادہ دیر تک زیر نہیں کیا جا سکتا۔ بلوچ شہدا کا مشن آزاد بلوچستان کی جدوجہد جاری رہے گی اور ایک دن اپنی منزل کو پہنچے گی۔
