بلوچستان کے وزیر اعلیٰ قدوس بزنجو نے اتوار کے روز کوئٹہ میں پریس کو بریفنگ دیتے ہوئے کہا کہ بلوچستان اب انسرجنسی کا نہیں بلکہ سرمایہ کاری کا میدان بنے گا-
انہوں نے کہا کہ ریکوڈک معاہدے سے بلوچستان میں ترقی کا نیا دور شروع ہوگا-
زرائع کے مطابق ریکوڈک پراجیکٹ کی بحالی کے لیے کینیڈین کمپنی، وفاقی حکومت اور بلوچستان حکومت کے درمیان معاہدے پر آج دستخط ہوگئے – نئے معاہدہ کے تحت کینیڈین کمپنی 50 فیصد، وفاقی اور بلوچستان حکومت 25-25 فیصد شیئر ہولڈر ہوں گی۔ریکوڈک پراجیکٹ کی بحالی سے بلوچستان میں 10 ارب ڈالر کی سرمایہ کاری ہوگی، ایک ارب ڈالر انفراسٹرکچر، اسکولوں، کا نکنی کے تربیتی انسٹیٹیوٹ سمیت دیگرسماجی شعبوں پرخرچ ہوگا۔معاہدہ کی بحالی کے بعد کمپنی پاکستان سے ساڑھے 6 ارب ڈالرجرمانہ کی کارروائی ختم کردی ہے ۔
دوسری جانب پاکستانی وزیر اعظم عمران خان نے سماجی رابطے کی ویب سائٹ ٹوئٹر پر لکھا کہ 10 سال کے مذاکرات اور قانونی جنگ کے بعد اب یہ معاہدہ طے پایا ہے اور معاہدے کے تحت بلوچستان میں بلین ڈالر کی سرمایہ کاری ہو گی۔
انہوں نے کہا کہ بیرک گولڈ سے معاہدے کے تحت 8 ہزار نئی ملازمتیں پیدا ہوں گی۔
