سعودی عرب کا تنصیبات پر حملوں کے بعد حوثیوں پر جوابی وار

277

سعودی عرب نے یمن کے حوثیوں باغیوں کی جانب سے جدہ میں تنصیبات کو نشانہ بنانے کے بعد جوابی حملہ کرتے ہوئے صنعا پر فضائی کارروائی کی، جس کے نتیجے میں 8 افراد ہلاک ہوگئے۔

خبرایجنسی اے پی کی رپورٹ کے مطابق یمن کے شہروں صنعا اور حدیدہ پر رات گئے فضائی کارروائی کی گئی۔

سرکاری خبرایجنسی سعودی پریس ایجنسی (ایس پی اے) کے مطابق اتحادی فورسز کے ترجمان برگیڈیئر جنرل ترکی المالکی نے کہا کہ سعودی عرب کے لیے خطرہ قرار دیے گئے مقامات کو نشانہ بنایا گیا۔