گوادر: ماہیگروں کا دھرنا پانچویں روز میں جاری

بلوچستان کے ساحلی شہر گوادر کے تحصیل پسنی میں مقامی ماہیگیروں کی بڑی تعداد گذشتہ پانچ روز سے اپنے مطالبات کی حق میں حق دو تحریک کے دھرنے میں شامل ہیں-

منگل کے روز پسنی کے مچھلی بیوپاریوں حنیف بشیر، فش کمپنی کے عزیز پیربخش، ظفراقبال اورسیٹھ قمبر نے حق دو تحریک پسنی کے دھرنے میں آکر ماہیگروں سے اظہار یکجہتی کی-

اس موقع پر مقامی ماہیگیروں نے کہا کہ غیر مقامی ٹرالرنگ مافیا اور بیوپاریوں کی وجہ سے ہم نان شبینہ کے محتاج ہوچکے ہیں –

انکا کہنا تھا کہ فش کمپنیوں کو سمندری حیاتیات کی تباہی کی کوئی فکر نہیں ہے لیکن ہم اپنے سمندر کو بچانے کی جدوجہد جاری رکھیں گے –

خیال رہے کہ پسنی کے مقامی ماہیگیر گذشتہ پانچ روز سے اپنے مطالبات کے حق میں پسنی فش ہاربر جیٹی کے مرکزی گیٹ پر کیمپ لگاکر احتجاج کررہے ہیں-

جن کے اہم مطالبات میں مطالبات میں غیرقانونی ٹرالنگ کا خاتمہ، پسنی ہاربر کی بحالی اور سیٹھوں کی من مانی کمیشن کا خاتمہ شامل ہیں-

اس موقع پر حق دو تحریک کے سربراہ مولانا ہدایت الرحمن بلوچ نے کہا کہ اگر پسنی کے ماہیگروں کے مطالبات پر عملدرآمد نہیں ہوا تو مکران کوسٹل ہائی وے پر دھرنے کا اعلان کرینگے