نیشنل پارٹی کیچ کے ترجمان نے میڈیا کو جاری کردہ اپنے بیان میں کہا ہے کہ سیکورٹی کے نام پر شہر میں باڑ لگاکر عوام کے لئے مشکلات پیدا کرنا افسوسناک عمل ہے-
ترجمان نے کہا کہ تربت میں سیکیورٹی فورسز کے ہاتھوں عام آدمی کو تنگ و پریشان کیا جارہا ہے گذشتہ کئی دنوں سے سیکیورٹی فورسز نے ناصرآباد میں دکانیں زبردستی بند کررکھی ہیں تربت شہر کے گلیوں میں باڑ لگائے جارہے ہیں۔
نیشنل پارٹی کیچ کے ترجمان نے اپنے بیان میں کہا ہے کہ صورتحال اگر اسی طرح رہی تو اس پر خاموش نہیں رہیں گے نیشنل پارٹی سیکیورٹی فورسز کی جانب سے عوام کو تنگ و پریشان کرنے، شہر کی گلیوں پر باڑ لگانے کے عمل کی مذمت کرتی ہے-
انہوں نے مزید کہا نیشنل پارٹی آل پارٹیز کیچ ساتھ ملکر سیکیورٹی فورسز کے عوام دشمن و قوم دشمن رویوں کے خلاف شدید احتجاج کرے گی۔
