بلوچستان کے علاقے سبی میں پاکستانی فورسز کے اہلکاروں کو بم حملے میں نشانہ بنایا گیا ہے، دھماکے کے نتیجے میں چار اہلکار ہلاک اور پانچ زخمی ہوئے ہیں۔
ضلع سبی کے علاقے سانگان کے پہاڑی علاقے میں پاکستانی فورسز کو اس وقت نشانہ بنایا گیا جب ایف سی سکاوٹس کے اہلکار روڈ کی کلئرینس کررہے تھے۔
دھماکے میں زخمی ہونے والے اہلکاروں کو ہیلی کاپٹر کے ذریعے کوئٹہ منتقل کردیا گیا۔
حملے کے بعد فورسز کی مزید نفری جائے وقوعہ پر پہنچی جبکہ حملہ آوروں کے تلاش کا آغاز کردیا گیا ہے۔
