بلوچ لبریشن آرمی کے ترجمان جیئند بلوچ نے نامعلوم مقام سے بذریعہ ای میل بولان میں ہونے والے حملوں کی ذمہ داری قبول کرتے ہوئے کہا ہے کہ بی ایل اے کے سرمچاروں نے بولان کے علاقے مچھ میں جمعہ شار کے قریب گذشتہ شب قابض پاکستانی فوج کے ایک چیک پوسٹ پر حملہ کیا، جس کے نتیجے میں ایک فوجی اہلکار موقع پر ہلاک جبکہ متعدد زخمی ہوئے اس دوران فوجی چیک پوسٹ کو شدید نقصان پہنچایا گیا۔
انہوں نے کہا کہ دریں اثناء سرمچاروں کے دوسرے دستے نے بلوچستان سے پنجاب جانیوالے ریلوے ٹریک کو دھماکہ خیز مواد نصب کرکے دھماکے سے تباہ کردیا جبکہ آج صبح ریلوے ٹریک کا مشاہدہ کرنے والے اہلکاروں کو بھی بی ایل اے کے سرمچاروں نے دھماکہ خیز مواد سے نشانہ بنایا، جس کے نتیجے میں دو اہلکار زخمی ہوئے۔
جیئند بلوچ کا کہنا ہے کہ بلوچ لبریشن آرمی ان تینوں حملوں کی ذمہ داری قبول کرتی ہے۔
