یونان کے جزیرے لیسبوس میں پناہ گزینوں کے لیے قائم بڑے کیمپ موريا میں آگ بھڑک اٹھی۔ حکام کے مطابق کیمپ میں 70 ہزار افراد رہائش پذیر ہیں۔
یونانی میڈیا کے مطابق بدھ کی صبح سویرے کیمپ میں اچانک آگ بھڑکنے کے بعد وسیع پیمانے پر امدادی کارروائیاں جاری ہیں۔ کیمپ کو خالی کرانے کیلئے درجنوں گاڑیاں اور آگ بجھانے کیلئے 25 فائر فائٹرز بھیجے گئے ہیں۔
سوشل میڈیا پر آتشزدگی کی ویڈیوز بھی سامنے آگئی ہیں جن میں پناہ گزینوں کو پیدل میتیلین کی بندرگاہ کی سمت بھاگتے ہوئے دیکھا جا سکتا ہے۔ پناہ گزینوں کے حقوق کی علمبردار تنظیمم “اسٹینڈ بائی لیسفوس” نے ٹویٹر پر بتایا کہ پورا کیمپ جل رہا ہے، ہر چیز میں آگ لگی ہوئی ہے اور لوگ فرار کا راستہ ڈھونڈ رہے ہیں مگر جزیرہ کی مقامی آبادی نے کیمپ سے فرار ہونے والے افراد کو پڑوسی دیہات کا رخ کرنے سے روک دیا ہے۔
A large fire has broken out at the #Moria refugee camp on the Greek island of #Lesbos.
The camp, which was built for less than 3,000 people and is currently handling more than 13,000 is being evacuated. pic.twitter.com/Phkuymu6zl— th1an1 (@th1an1) September 8, 2020
یاد رہے کہ یہ کیمپ جنوبی ایشیا اور مشرق وسطیٰ سے یونان پہنچنے والے ان پناہ گزینوں کیلئے قائم کیے گئے ہیں جو اپنے ممالک میں جاری جنگ یا غربت سے تنگ آکر غیرقانونی طور پر جان خطرے میں ڈال کر یونان پہنچ جاتے ہیں۔
ان میں سے جو لوگ خیریت سے یونان پہنچ جاتے ہیں تو انہیں پکڑ کر ان کیمپوں ٹھہرایا جاتا ہے جہاں گنجائش سے زیادہ لوگ رکھے گئے ہیں۔ ایک رپورٹ کے مطابق اس کیمپ میں اس کی اصل گنجائش سے 4 گنا زیادہ لوگ رکھے گئے ہیں۔
ایک یونانی صحافی نے ٹوئٹر پر بتایا کہ بنیادی طور پر یہ کیمپ 3 ہزار افراد کیلئے بنایا گیا تھا مگر اس وقت یہاں 13 ہزار سے زائد افراد رہائش پذیر تھے۔ اب آگ نے سب کچھ جلا کر راکھ کردیا اور آج ان کے پاس سونے کیلئے جگہ نہیں ہے۔
