بلوچستان کے مختلف علاقوں میں موسلہ دھار بارشوں سے مواصلاتی نظام درہم برہم

302

اکثر علاقوں کا زمینی رابطہ منقطع

دی بلوچستان پوسٹ نیوز ڈیسک کو موصول اطلاعات کے مطابق بلوچستان کے مختلف علاقوں میں تیسرے روز بھی موسلہ دھار بارشوں کے کا سلسلہ جاری رہا۔ ندی نالوں میں طغیانی سے متعدد علاقوں کا زمینی راستہ منقطع اور مواصلاتی نظام و ذرائع آمدو رفت درہم برہم ہوگیا۔

بلوچستان کے ضلع لسبیلہ میں گذشتہ دو دنوں سے جاری مون سون کی بارشوں کے بعد ضلعی صدر مقام اوتھل سمیت لسبیلہ کے مختلف علاقوں حب، وندر، بیلہ،لاکھڑا میں موسلا دھار بارشوں نے شہروں کو جل تھل کردیا۔

حالیہ تیز بارشوں کے سبب کوسٹل ہائی وے کے مقام بدوک چیک پوسٹ سے ایک کلومیٹر کے فاصلے پر ایک پل کے قریب روڈ پر 8 فٹ طویل شگاف پڑگیا ہے، جس کی وجہ سے گوادر کا لسبیلہ اور کراچی سے زمینی رابطہ منقطع ہوگیا ہے۔

کوسٹل ہائے وے کی بندش کیوجہ سے ہزاروں کی تعداد میں گاڑیاں اور مسافر پھنس گئے ہیں۔

آخری اطلاعات تک کسی قسم کی امدادی کارروائی شروع نہیں کی گئی ہے۔

محکمہ موسمیات کے مطابق بارشوں کا یہ سلسلہ مزید جاری رہے گا۔