دکی کے علاقے چمالنگ میں کوئلے کی کان میں حادثے کے نتیجے میں دو کانکن جاں بحق اور ایک زخمی ہوگیا۔ پولیس کے مطابق جاں بحق کان کنوں کا تعلق سوات سے ہے۔
پولیس کے مطابق بلوچستان کے علاقے دکی میں چمالنگ کی چھ فٹی کوئلے کول ایریا میں کوئلے کی کان میں ٹرالی کی رسی ٹوٹنے کے باعث حادثہ پیش آیا، ٹرالی کی زد میں آکر دو کانکن جاں بحق اور ایک زخمی ہوگیا۔
پولیس کا کہنا ہے کہ جاں بحق کان کنوں کی شناخت وارث خان اور اسد خان کے ناموں سے ہوئی ہے، جن کا تعلق سوات سے تھا۔
جاں بحق کان کنوں کی لاشیں کان سے نکال کر اسپتال منتقل کردی گئیں، جہاں سے ضروری کارروائی کے بعد انہیں آبائی علاقوں کو روانہ کیا جائے گا۔
