بلوچستان نا ضلع خضدار نا علاقہ وڈھ آن تعلقدار براہوئی نا پنی آ شئر پاروک عبدالحمٰن بلوچ یک شمبے نا دے تینا علاقہ وڈھ ئٹ کذیت کرے.
عبدالرحمٰن براہوئی بولی نا بھازا خلقی شئر تے زیبدارو دروشم اس تریسہ پارینے. او نہ بیدس وڈھ و جھالاوان اٹ پنی اس بلکن تیوی بلوچستان ئٹ مخلوق نا بھلو کچ اس اودے بنگوکا۔
اندن اونا توار اٹ زلکو، غازی نورا مینگل، شہید علی محمد مینگل نا پن تیا کروک شاعریک بھاز خوش کننگانو۔
عبدالرحمٰن بلوچ تینا تیوی زند ءِ براہوئی بولی کن تسوسن و اندا حالیت اٹ کوڑی ءِ یلہ کرے۔
