لشکر بلوچستان کے ترجمان لونگ بلوچ نے سوشل میڈیا پر علی جان نامی شخص کے خاندان کے جانب سے تنظیم کیخلاف پروپیگنڈوں کو مسترد کرتے ہوئے کہا ہے کہ جس واقعے کا الزام لشکر بلوچستان کی ساتھیوں پر لگایا جارہا ہے وہ سراسر غلط ہے، اس واقعہ سے ہماری تنظیم کا کوئی واسطہ نہیں ہے نہ ہی اس واقعہ کا ہمیں علم ہیں۔
ترجمان نے کہا ہے کہ ہم اس طرح کے طریقہ کار پر یقین نہیں رکھتے ہیں۔ ہم اس سے قبل بھی اس طرح کی عمل اور سوچ کیخلاف رہے ہیں اور اس حق میں بھی نہیں رہے ہیں کہ بلوچ آپس میں دست و گریبان ہوں اور ایک دوسرے کو نقصان پہنچائیں اور نہ ہی اب اس عمل کی حمایت کرتے ہیں۔ نہ ہی اپنے ساتھیوں کو اس طرح کے کاروائیوں کی اجازت دی ہے۔ اس کے باوجود کہ بہت سے لوگوں کیخلاف ثبوت بھی ملا ہے، باوجود اس کے دوسرے اس طریقہ کار پر عمل پیرا ہے لیکن ہم اس کے خلاف ہے۔
لونگ بلوچ کا کہنا ہے کہ جس واقعہ کا ذکر کیا جارہا ہے ہمیں اس واقعہ کا علم نہیں نہ ہی ہم نے اپنے ساتھیوں کو اس طرح کے کسی کام کا کہا ہے پھر بھی ہم اس واقعے کی مکمل معلومات لیں گے اور اس طرح بے سروپا الزامات لگانے سے پہلے متعلقہ لوگ اپنی معلومات درست رکھیں اور کسی اور کو یہ موقع فراہم نہیں کریں کہ وہ اس طرح کے واقعات کا غلط فائدہ اٹھا سکیں اور آئندہ تنظیموں پر الزامات لگانے سے احتیاط برتا جائے۔
