بیست ءُ یک اُستپان زبانانی یات گیری ءِ روچ
نبشتہ کار: بابا جی آر بلوچ
دی بلوچستان پوسٹ
“راج لگتمال ءُ ڈیھ مئے بندیگ اِنت”
زندگیں راجانی بچار ھما وھد ءَ مان اِیت وھدیکہ ھما راج ءَ وت ءَ یک سرجمیں پجارے بہ بیت ء ُیک زبانے ،آئی ءَ وتی دود ءُ ربیدگے بیت، اَنچش کہ مروچی بیست ءُ یک استپان ءُ دو ھزار بیست اِنت ءُ گیدی ءَ ھمے روچ ءَ پہ راجانی زبان ءِ یات گیری ءِ روچ ءَ دارگ بیت ءُ ھرچ راجے کہ بیت آ پہ وتی ماتیں زبان ءَ جھد کنت ءُ وتی زبان ءِ زندگ دارگ ءِ جھد ءَ چو مھکمی ءَ دار اِیت ءُ زانتکار ءُ پولکار گوش اِنت” ھمک سال بازیں راجانی زبان گار ءُ بیگواہ بوگ ءَ اَنت ایشانی زبان ءِ بیگواھی ءِ سوب اش اِنت کہ آ وتی زبان ءَ نیکہ وان اَنت ءُ نیکہ نبیس اَنت…!!”.
بلے یک ٹوھیں ھبرے ءَ ما شموشکار ایں کہ گلامیں راجاں ھچ جاہ ءَ جاگہ نہ بیت نیکہ شھدربرجاھاں آئی ماتی زبان وانینگ بیت نیکہ آ راج ءِ دود ءُ ربیدگ ءِ بابت ءَ سرپدی دیگ بیت بس ھما ملک کہ زور گیپت کنت ھما ملک ھرچی لوٹ اِیت ھمائی ءِ دل ءِ تبا بیت ءُ گلامیں راج ھمے تہ ءُ توکاں لگتمال بنت ءُ زبان چرایاں پلگ بنت…!!!
بلوچ راج ءَ وتی ماتیں زبان ءِ رکینگ ءِ ھاتر ءَ ھر تَک ءُ پھناتاں وتی توار تالان کنگ لوٹ اِیت ءُ راجی زرمبشت ءِ بھر بوگ ھم المی اِنت چے ءَ کہ راج وت واجہ بہ بیت گڑا گیدی ءَ چشیں تاگت ودی نہ بیت کہ بلوچ راج ءِ زبان ءَ چَہ آئی ءَ بہ پُل ایت ..!!
من گڈسر ءَ راجی نبشتہ کار ءُ لبزانکی کواساں گوں ھمے دسبندی کناں کہ وتی ماتیں زبان ءِ زندگ دارگ ءِ واستا جھد ءَ برجاہ بہ دار اَنت ءُ یک راستیں راھببدے دیم ءَ بیار اَنت.
بلوچ نودربراں ھمے گوشگ لوٹ آں کہ بیا اَنت بلوچ لبزانک ءِ بھرے جوڑ بہ بنت ءُ وت ءَ بہ وان اَنت ءُ وتی راجی پجار ءَ گیدی ءَ بہ کنائین اَنت…
بلوچ راج آجو بات زبان زندگ بات ءُ بلوچستان میزراں بات….!!!
دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
