بندیں کوٹی ءِ جِنک
(چِل ءُ دومی بھر)
اکیل مراد
دی بلوچستان پوسٹ
من چاران بیتگ آں ھر چے کہ آ منی گوما کنگ ءَ بیتگ من ءَ چون کارمرد کنگ ءَ بیتگ کہ من ھِچ بر اے نہ جیڑ اِتگ کہ کَسے منی گوما اے وڑ ءَ کُت کَنت آ منی اُمیت ءَ چَہ سرگوز بیتگ ءُ منی بدن ءِ بھت ءِ سر ءَ اَمل کنگ ءَ بیتگ اے وڑ ءَ من آئی ءِ چُک جوڑ بیتگ آں ءُ آ ھم منی واستا دگہ یکے جوڑ بیتگ آئی ءِ بدن ءِ بھر بے کساسیں رنگے ءَ نرمی ءَ چَہ زانگ بیتگ آئی ءِ بن ریشگ ءَ چَہ مستر، یک دگہ مردمے ءِ ساھِگ کوٹی ءَ گوزگ ءَ بیتگ یک ورناھے کوشکار بلے من ءَ انگت ءَ آئی ءِ سرپدی نہ بیتگ انگت ءَ منی چمانی دیم ءَ ھِچ نیاتکگ
یک ورنائیں شکاری یے ءِ ساھِگ ھم کوٹی ءِ تہ ءَ گْوزوک بیتگ آئی ءِ بارو ءَ ھاں من ءَ سرپدی بیتگ آ برے برے لِزتانی تہ ءَ جاڑیگ بیتگ ءُ من آئی ءَ اے گْوشت کہ چولون ءِ آشِک ءَ آئی ءِ گوما شکاری ءِ بدن ءُ آئی ءِ شوکانی شم ءِ ازباب ءِ بارو ءَ گپ جتگ آئی ءِ بے مٹیں نرمی آئی ءِ ھِمت جنگلی ءُ کورانی کہ آیانی دیھان سیاھیں کانگیانی نیمگ ءَ باں درست آئی ءِ واھِشت ءِ تہ ءَ ھوار بنت ءُ آ من ءَ گوں مھر کَنت من آئی ءِ چُک جوڑ بیتگ آں آئی ءَ ھم وتی چُک ءِ گوما ھمک بیگاہ ءَ مھر کُرتگ ءُ برے برے آئی ءَ ترسے بیتگ کہ اچانگ ءَ آئی ءِ جانسلامتی ءِ بارو ءَ جیڑگاں کَپتگ کہ ایشی ءِ سر ءَ آ شُبینی بیتگ کہ آ آپ ءِ تہ ءَ مہ کپ اِیت ءُ مہ بُڈ ایت، آ ھَنچُش ترس ءِ تہ ءَ پُرشتگ ءُ ھلاس بیتگ کہ برے برے آئی ءَ ھما کساس ءَ تُرس اِتگ کہ رسترانی وڑ ءَ بیتگ ءُ اے سر ءِ درد کہ گیشتر آئی ءَ نہ وشی ءِ نیمگ ءَ بران بیتگ، بے تھمبلی، بے جانی چماں یک چِلی ءِ پَٹی یے ءُ اے زھر کہ برے برے آئی ءَ زندگی ءَ گون بیتگ اَنت
وھدیکہ آئی ءِ شکار بیتگ وھدیکہ آ وتی مات ءِ بارو ءَ جیڑگ ءَ بیتگ ءُ ھمے وھد ءَ آ اچانگ ءَ باھندی بیتگ ءُ زھرانکی ءَ پُر بیتگ ءُ ھِژم ءَ اتکگ ءُ گریوْگ ءَ لَگ اِتگ ءُ آ ھیال ءِ سر ءَ ھِچ مٹی ءِ آرگ ءَ واکی ءَ نہ بیتگ
مات ءَ آئی ءِ مرگ ءَ چَہ پیسر وش کنگ ءِ واستا آ ھرابی ءِ زِمہ واریں مردمانی گوشگ ءِ واستا وتی چھرگ آئی ءِ چھرگ ءِ دیم ءَ لِچینتگ ءُ آئی ءِ ارس رِچان بیتگ اَنت آئی ءَ وتی نزیک ءَ کار ایت ءُ وت ءَ پیلڈاھیت ءُ آئی ءِ ارسانی واھِشت ءِ شیدائی، آئی ءِ زھرناکی ءِ واھِشت ءِ شیدائی
آ ایشی ءَ ھمے وڑ ءَ زور ایت کہ چُو چُک ءَ مردم زور ایت بڈ ءَ جَنت آ وتی چُک ءَ ھم ھمے وڑ ءَ زور ایت آ وتی چُک ءِ بدن ءِ گوما لیب کَنت آ ایشی ءَ چَپی کَنت آ وتی چھرگ ءَ وتی لُنٹاں وتی چَماں گوں آئی ءِ لنٹ ءُ چم ءُ چھرگ ءَ ھمدپ کَنت ءُ آ وت ءَ شُلگ شُلگ ءَ یلہ کَنت تچک ءَ ھما وڑ ءَ کہ چینی مرد ءَ کتگ اَت وھدیکہ آئی ءَ اے چالاکی بندات کُتگ اَت ءُ اچانگ ءَ آ ایشی ءِ زیر منتی ءَ لَگ اِتگ آ اے وڑ نہ گْوش اِیت کہ چے ءَ آ ایشی ءَ کوکار ءِ سر ءَ بے تواری ءَ گْوش اِیت آ کوکار کَنت کہ آ ایشی ءِ گون ءَ ھِچ وڑیں ھمبستگی ءَ دار نہ لوٹ اِیت آ ایشی ءَ چَہ گیشیں لِزت زورگ نہ لوٹ اِیت
ءُ پد ءَ یکے دومی ءِ گون ءَ لِچوک اَنت ترس ءِ ھواری ءَ مِڑ اَتگ اَنت ءُ پد ءَ یک رندے ترس پُرش ایت ءُ گار بیت ءُ پد ءَ آئی ءِ دیم ءَ دستاں بند ایت ارسانی ھارانی شلونکی ءُ نا اُمیتی ءِ وشی،
کِسہ روان اِنت سپر ماں پرانسی جِنک ءَ ـ ـ ـ
دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
