محکمہ موسمیات نے آئندہ 48 گھنٹوں کے دوران بلوچستان میں موسلا دھار بارشوں اور پہاڑوں پر برفباری کی پیش گوئی کردی ہے، پہلے سے متاثرہ علاقوں کے مکینوں کو محتاط رہنے کی ہدایت کی گئی ہے۔
بلوچستان میں بارشوں اور برفباری کے نئے اسپیل کی پیش گوئی کی گئی ہے، محکمہ موسمیات کے مطابق آئندہ 48 گھنٹوں کے دوران کوئٹہ، قلات،سوراب، مستونگ، خضدار، آواران، گوادر، قلعہ عبداللہ، زیارت، قلعہ سیف اللہ، ژوب، پشین اور ہرنائی میں بارشوں سمیت پہاڑوں پر برف پڑے گی۔
محکمہ موسمیات نے بارشوں اور برفباری کے پیشِ نظر پہلے سے متاثرہ علاقوں کے مکینوں کو محتاط رہنے کی ہدایت کی ہے۔
