ریڈیو زرمبش بلوچی پروگرام پر تنقید
( اے نبشتانک منی نہ اِنت)
نبشتہ کار: سراج نور بلوچ
دی بلوچستان پوسٹ
زی دی بلوچستان پوسٹ ءَ سراج نور ءِ نام ءِ سر ءَ یک نبشتانکے( ریڈیو زرمش بلوچی پروگرام پر تنقید) شنگ بوتگ من ءَ گوں اے نبشتانک ءَ ھچ دست ءُ داواہ نیست، ھاں منی نام سراج نور بلوچ اِنت کہ منی پیسبک آئی ڈی ھم ھمے نام ءِ سر ءَ اِنت پرچاکہ منی نام سراج اِنت ءُ پِس ءِ نام نورا ءَ اِنت پمیشکا من وتی نام سراج نور بلوچ کرتگ ءُ من ءَ بازیں مردمے ھم زانت.
برے برے من وتی پیسبک آئی ڈی ءَ چیزے پوسٹ کن آں بلے ھمے آرٹیکل کہ دی بلوچستان پوسٹ ءُ شنگ بوتگ اے آرٹیکل منی نہ اِنت ءُ نبشتہ کار ھم من نہ آں، من ھمے سنگت ءَ نہ زان آں کہ کے اِنت ءُ کجام ھند ءُ دمگاں جاھمند اِنت، اے دگہ سراج نورے ءُ من دگہ سراج نورے آں، من ءَ سنگت ءِ ھمے نام ءِ سر ءَ ھچ اتراز نیست پرچاکہ ھم نامیں مردم سک باز اِنت، من بس ھمے گپ ءَ پکا کنگ لوٹ آں کہ اے من نہ آں ءُ نہ من ءَ گوں اے آرٹیکل ءَ واست ءَ ھست، اگاں دیمیتر ءَ ھمے نام ءِ سر ءَ چیزے شنگ کنگ بوت ھم من ءَ واستا نیست، اگاں من چیزے شنگ کنگ لوت اِت گڑا من وتی اکس ءَ ھم دے آں دانکہ دومی مردم بزانت ءُ شک مہ کنت.
من سنگت ءَ را ھمے گْوشگ لوٹ آں اگاں تو نگد کُتگ اَت گُڑا وتی اکسے اوں بداتیں شَرتر اَت دانکہ دومی ءَ بزانتیں کہ تو کے ئے، اگاں کسے نگد کنت گُڑا باید اِنت وت ءَ چیر مہ دنت ، نگد چُشیں چیزے نہ اِنت کہ کسے مہ زانت، اگاں کسے نگد کنت گڑا باید مردُم آرا بزان اَنت گُڑا نگد کنگ وش ءُ دام دار بیت ءُ مردُم سرپد بنت کَے نگد کُتگ.
گُڈی ءَ من ھمے گْوشگ لوٹ آں اگاں اے نام ءِ سر ءَ کسے ءَ را گْوشگ بوت یا کسے رنجینگ بوت یا دیم ءَ اے نام ءِ سر ءَ نبشتہ کنگ بوت بزان کہ من ءَ اے نام ءِ سر ءَ ھچ دست ءُ داوا نیست منتوار.
دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
